5628 - Dedication to Ἶσις and Σέραπις from Cyrene - Shahhat

ἀγαθῇ τύχῃ / (ἔτους) ρλγʹ Ἴσιδι καὶ Σεράπιδι / ἀγαθὸς δαίμων νεωκόρος ἀνέθη(κε). / ἐγὼ τύραννος Εἶςις αἰῶνος μόνη / πόντου τε καὶ γῆς τέρμονάς τ’ ἐπιβλέπω. / καὶ σκῆπτρ’ ἔχουσα καὶ μί’ οὖσ’ ἐπιβλέπω / καλοῦσι δή με πάντες ὑψίστην θεόν, / πάντων μεγίστην τῶν ἐν οὐρανῶι θεῶν. / αὐτὴ γὰρ εὗρον πάντα καὶ εἱλόμην πόνον. / γραφὴ δ’ ἐπὶ σφραγεῖσι δηλώσει σαφὴς / δεικνῦσα τἀμὰ πᾶσιν ἐξευρήματα, / ἃ καὶ βροτοῖς ἔδειξα καὶ καρποὺς βίου. / πόλεις τε σεμνοῖς περιβόλοις ἐτείχισα / βροτοῖς τ’ ἔνειμα ταῦτα τρανῶς εἰδέναι. / ἐμοῦ δὲ χωρὶς γείνετ’ οὐδὲν πώποτε, / οὐδ’ ἄστρα γὰρ φοιτῶσι τὴν αὐτὴν ὁδόν, / ἂν μὴ ἐξ ἐμοῦ λάβωσιν ἐντολ̣[ὰς πάρος] / οὐ μή τε γαῖα καρπὸν ἦρι [τέξεται], / ἂν μὴ ἐπινεύσω πάντ[α τ’ αὐξήσω καλῶς]. / τίς ἂν δύναιτο τἀμ̣[ὰ καταβαλεῖν κράτη] / ἤ τις μαρᾶναι [τῶν ἐμῶν ἔργων σθένος] / τὰ μὲν βίος [---] / τὸ πᾶν [---]