5674 - Inscription mentioning the Ἅιδης from Cyrene - Shahhat

Ἡφαιστοῦτος θυγά/τηρ γενόμαν Ἀγα/θανγέλου δ’ ἀνδρός, / ἣν πάντες σεμνὴν / γεινώσκουσιν, λέγομαι / δὲ Παρησία· πολλῶν πρα/γματιῶν μέτοχος γενό/μαν πιστὴ κατὰ πάντα· / οὕνεκά μοι πόσις ἔνθα βρα/βεῖον ἔθηκεν σημαίνων / πάσης ἀρετῆς στέφανόν / με λαβοῦσαν, πάντων γὰρ / χάριν ἔσχον ἐγὼ νείκης / τὸ βραβεῖον· καὶ γὰρ χορεί/αις ταῖς ἐμαῖς δ’ ἐν παστά/σιν ἐν καλύ̣[β]οισιν ἐμοῖς / ἱλαρὸν κρότον εὔρυθμον / εἶδον καὶ λιγὺς αὐλὸς ἐμαῖς / ἐν παστάσι θροῦ̣[ν] ἐδόνησεν / κωμάζων δ̣’ ὑμέναιος ἀπή/χησεν μέλος ἡδύ· ἑξηκον/ταέτης δὲ πλέον κατελή/{λη}λυθον εἰς <Ἀ>ΐδαο, καὶ νῦν / ἡ πανάριστος ἀσύνκρι/τος ἡ περὶ πάντα κ̣ε̣ῖμαι / σ<ι>ωπήσασα, διὰ στήλης / δὲ λέγουσα. ❦ τίς, πόθεν, / ἡ στήλη δὲ λαλεῖ, τὸ δ’ ἐ/μὸν στόμα σειγᾷ.